هەڤالێ نەمر

ل دەمی ئەز گەنجتر، من هزر دکر کو مروڤ هەکو بەحسێ ئێشانا گیانی/ رحێ دکەن، ئەو بتنێ یێ ڤێ شروڤوکرنێ ددەن وەک مێتافورەک بو ئازارەکا گەلەک مەزن. بەس پشتی ئەز مەزن بوویم، من دیت کا چاوا رحا مروڤی د ئێشیت !

دێ هەوڵ دەم بینمە پێش چاڤ، ئەوێ ئازارا ژ سنورێت لەشی دەرباز دبیت:

هەر وەکی هەوایەکێ گەرم

چەرمێ لەشێ تە هەمییێ گرتی

ل دورماندوری تە هەمیێ یە

بەس د لەشێ تە بخو دا نینە

دەنگەک ژێ دهێت

لەشێ تە هەمیێ گولێ هەیە ژ بلی گوهێت تە بخو

سەرێ تە د ئێشینیت

سینگێ تە د خەندقینیت

گەدا تە د قورمچینیت

پێت تە د شکێنیت و تو نەشێی دوو پێنگاڤا ب هاڤێژی

چ هزر د مێشکێ تە دا نینن

بەس هەمی هزر یێ د ئێک دەم دا د هێن و دچن

حەواریەکا بلند یا د حەفکا تە دا بەس دەرناکەڤیت

تبلێت تە دڤێن چەرمێ تە راکەن

تو ب هەردوو دەستا ملێت خو دگری

یا ژ تەڤە دێ ئاگر ژ سینگێ تە دەرکەڤیت

چ پارچێت لەشێ تە نا ئێشن

بەلێ هەمی پارچێت لەشێ تە هەست پێ دکەن

یا ژ تەڤە دوماهیکە

بەس تو نزانی دوماهیکا چیە

یا ژ تە ڤە ژ دایک بوونە

بەس تو نزانی چ بونەوەرە دێ بیت

خوزیکێت وی یێ نەدیتی !

ئەز نزانم ب پەیڤا بێژم، وێنە دەرحەقی هەستێ راستی دەرناکەڤن، هندی ل سەر ئامیرەکی بژەنی ژی، چ تشت ئازارا گیانی دەرنابریت. تو د مینیە راوەستیای، د ناڤبەرا هندەک دیوارا دا، ب تنێ تو هەست پێدکەی !

بەس د سەر هەمیێ را، د سەر حالێت سەیراتیا خو را، سێربەندەکێ شارەزا یە، ئێش و ئازار هەڤالێت نەمرن. ژ روژا ئەم دبین، مل ب ملێ هەمی هەستێن دی، ئەو یێ ساخە، و وەکی خوشیێ نیشا مە ددەت، کو ئەم ژی د ساخین !